Аляксанр Лукашэнка ўнёс на разгляд у парламент законапраект, якім хочуць адкарэктаваць працу Дзяржкантролю. Гэтаму ведамству хочуць даць яшчэ больш паўнамоцтваў.
Законапраект сярод іншага «замацоўвае новы прынцып дзейнасці органаў Камітэта дзяржаўнага кантролю — ажыццяўленне прафілактыкі правапарушэнняў у эканамічнай сферы».
КДК хочуць дазволіць прыпыняць працу суб’ектаў гаспадарання пры выяўленні парушэнняў заканадаўства пра цэны і цэнаўтварэнне, гандаль і грамадскае харчаванне. Таксама Дзяржкантролю збіраюцца даць дабро на тое, каб прыпыняць аперацыі па электронных кашальках у банках і нябанкаўскіх крэдытна-фінансавых арганізацыях.
«Пашыраюцца паўнамоцтвы органаў фінансавых расследаванняў Камітэта дзяржаўнага кантролю, — паведамляюць у тэлеграм-канале парламента. — Прадугледжваецца абавязковае дзяржаўнае сацыяльнае страхаванне цывільнвых службоўцаў органаў фінансавых расследаванняў, якія ажыццяўляюць кантрольную дзейнасць».
Нагадаем, у красавіку 2025 года ў Дзяржкантролі заяўлялі, што збіраюцца далей кантраляваць сітуацыю з цэнамі, наяўнасцю гародніны, а таксама сачыць, як выконваюцца планы па інвестыцыях і імпартазамяшчэнні. Таксама ў КДК адзначалі, што хочуць надаваць пільную ўвагу рынку высокамаржынальных паслуг, а таксама перспектыўным галінам прамысловасці.
Чытайце таксама
